لا تمايل خيزرانك

[غربة مشاعر]

تسألني منهو أنتي في حياتي مادريتي
أنتي فرحة عمري اللي مت أنا أدور عليها
أنتي اللي من بديتي في حياتي ماانتهيتي
نعمه جتني من الله ياعسى الله يمد فيها
من عرفتك وأنتي أهلي وأنتي ناسي وأنتي بيتي
وأنتي إحساسي وصوتي ورغبتي وحاجه أبيها
وأنتي أحلى من سكن هالقلب وأول من وفيتي
وأنتي أغلا من تجيني ساعة الشده واجيها
ينطقون الناس فعيوني الامنك ضويتي
كن مافالكون غير عيونك أنتي وحاجبيها
كنك الصبح ورذاذ الماء وغيث لا عطيتي
ينبت النوير فكفوفي وتثمر راحتيها
وأنتي اللي تشرحين الصدر لا منك حكيني
وللسوالف معك طعم الهيل يوم تبهريها
وأنتي اللي لا تمايل خيزرانك وارتخيتي
مالت الدنيا وكيفك عدليها وميليها
والله انك تقدرين ووالله انك لو بغيتي
تحرقين اعصاب اعصابي قدرتي تحرقيها
لكن الله سخرك لي كل ما زعلتك رضيتي
الله لا يحرمني هالطبية ويرحم والديها
كل هذا وتسالني عن غلاتك مادريتي
انك الشمس اللي تشرق في عيوني واحتريها
شفتي يوم الله يحبك قطك الله في كويتي
لا تولعله بحاجة غالية يتعب عليها


الشاعر سعد الشعلان



>

[الدكتور]

الله يعطيك العافيه غربة المشاعر



صح لسان الشاعر



وتسلم يمينك على الاختيار الجميل



تحياتي لك

[يانووور عيني]

ذوق راقي باختيارك وصح لسان الشاعر

دمت بود..