الدكتور
03/07/2008, 11:08 AM
تحية طيبة تناسب جميع الاوقات والاذواق
كعادتنا في كل يوم جمعه نجتمع في البيت العود عند الوالده
(( مامو )) ، وبحكم اني العزوبي الوحيد في العائلة اكون اول الحاضرين ، وما بين نسايم البخور وصرقعة الفناجيل تتهافت جموع عيال اخواني بعضهم اعرفهم وبعضهم اتعرف عليه لما يقولي عمي
المهم بعد جمعتنا على السفرة اللي من اول الصاله الى اخرها والكتوف متلاصقة في بعضها (( احيانا اخاف تداهمنا فرقة مسلحه تفكرنا تجمع ارهابي )) يبدأ كل واحد من اخواني يطلع اللي عنده بعضهم يشكي وبعضهم يتذمر وبعضهم يروي طرائف عياله
و كالعادة ما يحلى شرب الشاي الا في اجواء جلسة محاكمة الفقير المسكين (( اللي هو انا )) فتجد من ينتقد ومن يعاتب و من يسترجي وهناك من يهدد والادلة المقامة ضدي هي اننا نعيش في سعادة وانت تعيش في شقاء (( مع اني مرتاح بس هم ملاقيف )) وطبعا بعد ثمان سنوات من هذه المحاكمة تفقد قوتك بالدفاع و تلتزم الصمت
الشاهد انه رفعة المحاكمة دون النطق بالحكم وكل راح على مشاغله وانا جلست
التقط انفاسي وانظف اذاني بعد الصجه والازعاج على راسي وجلست افكر يا ترى فعلا طاف عمري يا ترى فعلا انا عايش بتعاسة ، قد أكون شوي كبير عن السن اللي تزوجوا فيه اخواني لكن توني ما عديت المعدل الطبيعي للزواج . كما ان ظروفي وطريقة حياتي مختلفة تماما عنهم
و ما بين فكره وفكره تسمع صرخة طفل مع ضحكه تشوف لعبة مع ضربة بين الاطفال . حتى جاءت ساعة الحقيقة و نطقت امي بجملة
( شفت لو انك متزوج الحين بنت حلال كان الحين جالسه معك وشايلة عيالك بدل ما ضيعت عمرك في السوالف البطالية ولا استفد غير الهم والغم و جالس الحين تطالع عيال الناس وتتحسر )
وراحت واخذت معها كل نور كل فرحه كل راحت بال كانت في داخلي وحولي ، كانت صخرة من امي رمتها علي سببت لي ارتجاج في استقراري وهبوط في مرحي وسعادتي وشق غائر في ثقتي مما ادى الى هلوسات .
يا ترى صحيح عمري ضاع على الفاضي صحيح اني ضيعت نفسي في علاقات ما شلت فيها الا همومهم ومشاكلهم وان سعادتهم وذريتهم شالها غيري هل صحيح اني ما استفد شي واني غير سعيد . وفي وسط هذا الظلام والهم و كريات الدم البيضاء تركض داخل مخي اللي صار مثل قاعة الانعاش والافكار صوتها يعلا براسي وكريات الدم الحمراء
جالسه على جنب وتبكي وتقول أنقذوه أنقذوه
جاء عصفور امفهي وجلس ينقر بالدريشة وطار بس بصراحة حسيت كانها انعاش الكهرباء اللي يستخدمونها في المستشفى لما قلب
المريض يوقف . وجلست اقول لنفسي سلامات يالكتكوت الظاهر شرب اللبن لحس مخك تعال نمسكها وحده وحده
كم عمرك الحين في الثلاثينات طيب كم منتصف العمر اربعين يعني ما فاتك شي بس حاول تستعجل بالزواج عشان تستمتع اكثر وربك يسهلها بس انت اسعى
لو سلمنا ان ظروفك بلمح البصر تعدلت هل تضمن عمرك بكره يعني ما في شي اسمه فات وما يصير كل شي حسب ما نخطط له ونتمنى فلازم يكون عندنا استعداد لان مخططاتنا ما تنجح عشان نقدر نبدأ من جديد
انت شلت هموم غيرك صح بس يا ترى ما كنت سعيد بانك انسان مهم عندهم عشان كذا شاركوك همومهم واحزانهم ولو تفتح مخك المصدي
راح تتذكر افراحهم ومناسباتهم اللي كانوا يخلون العالم كله ويبشرونك انت عشان تكون اول واحد يفرح لهم ويفرح معاهم
كم شي وشي تعلمته عن البنات والشباب وعرفت عن نفسياتهم واطباعهم والاشياء اللي يحبونها والاشياء اللي يكرهونها وكنت من علاقه الى الثانيه تزيد خبرتك ويزيد حسن تعاملك للبنت و الشاب وبالتالي تكون العلاقه اقوى ومريحة للطرفين
بعدين تعال يا لوح عمرك خنت او خدعت او استغليت او اهنت عمدا او تجاهلت بنت او شاب في لحظة او موقف كانوا محتاجين لك فيه
انا اقولك يا المفهي ولله الحمد لا . طيب هذا ما تعتبره انجاز وتعتقد انه لما بنت تشوف هذه البلاوي اللي نسمع عنها تصير بين اهل الغزل ما راح
تقول البنت الله يذكره بالخير ويوفقه وين ما كان
وغير هذا كله انت ما تشوف انك ناجح في عملك والكل يحبك ويحترم معلوماتك وخبرتك في مجال عملك .... غيرك مسدح في الشوارع وطايح لك سب في التجار وفي الحكومه ما تدري وش يبي
الظاهر يبيهم يفتحون له مكتب سياحه وسفر على دوار الصدفه ويكتبونه باسمه
ويدفعون له راتب عشرة الاف والدوام ثلاث ساعات بس ... ياخي ماحد قالهم يتابعون هيفاء والا ستار اكاديمي وقت الاختبارات وبعدين ينجح بالدف بمعدل 60 في الميه ويقولك انا سعودي ابي راتب عشر الاف ....
ياحليلك بس
انا اقول قم هز طولك ودربي كرشك ورح توض وصل العصر والعب جيم
سوني ثم روح شف وش صار بالمنتدى وخل عنك مواضيع الحزن
حقتهم ...... اللي يقولك خلاص انا حبي مات حبيبتي خلتني طيب وش
نسويلك اذا دفنته قلنا نجي نصلي عليه و الا نربط البنت عشانك انت
وخشك ....... والا اللي تجي تقولك اصلا الشباب كلهم خاينين و يلعبون
بعواطف البنات .... محد قالك تطيحين اربعه وعشرين ساعه في الراشد
وتفرين تقل ذبانه وحازه العباة اللهم لا شماته واربع بلكونات طالعه من
خصرك....... والا هذيك الله يهديها اللي تقول الحزن واقع علينا واقع علينا
ما راح نقدر ننحاش منه جاينا جاينا راح نمووووووووت ها ها ها ها صايره
كانها حيزبونه وهي تحضر السم لسندبات ... مع ان الموضوع بسيط من
تشوف الحزن جايك بس يقرب عندك خذ خطوه يمين بسرعه .. بس
المشكله بكرشك وين تتحرك وهذا كرشك والله الحزن يجي ويربع لا
ويقولك تامر شي انا بمشي و انت توك ما تحركت يبيلنا نفكر
بالموضوع ... المهم ابتعد عن هالمواضيع كلها ورح مع شلة الضحك و
الوناسه .. عض خشم عضو .. والا علق على الحبل عضو ... والا تشمت
على عضو وهو مقطوط بالسجن ... واذا زهقت روح شف نكت
المحششين وهبال الاعضاء .
وبعد كذا شف وش تبي تفشلنا فيه وتكتب عنه انت ووجهك ... بس الله
يرحم امك لا تكتب لنا سبعين صفحه عشان تقول كيف الحال ... ترى
الجماعه للحين معطينك وجهك ويجاملون فيك لانك جديد وكتكوت (( كثر
منها كتكوت )) كتكوت غصب عنك انت ووجهك انا لو اعرف من نجحك في
مادة التعبير بخامس ابتدائي كان رحت تفاهمت معه . المهم قم الحين
وصل واضحك وانبسط لا تصير بعد شين و زعلان اللهم يا كافي .
وبعد هذا الحوار الشيق معاي لاحظت ان امي كانت واقفه قدامي
وتطالعني باستغراب وتقولي سلامات وشفيك تتبسم .. قمت وبست
راسها وقلت لها بذمتك ما ني حلو وكتكوت.... قالت الا .....قلت قولي
للمفهي هذا واشرت على صورتي في المراية
كعادتنا في كل يوم جمعه نجتمع في البيت العود عند الوالده
(( مامو )) ، وبحكم اني العزوبي الوحيد في العائلة اكون اول الحاضرين ، وما بين نسايم البخور وصرقعة الفناجيل تتهافت جموع عيال اخواني بعضهم اعرفهم وبعضهم اتعرف عليه لما يقولي عمي
المهم بعد جمعتنا على السفرة اللي من اول الصاله الى اخرها والكتوف متلاصقة في بعضها (( احيانا اخاف تداهمنا فرقة مسلحه تفكرنا تجمع ارهابي )) يبدأ كل واحد من اخواني يطلع اللي عنده بعضهم يشكي وبعضهم يتذمر وبعضهم يروي طرائف عياله
و كالعادة ما يحلى شرب الشاي الا في اجواء جلسة محاكمة الفقير المسكين (( اللي هو انا )) فتجد من ينتقد ومن يعاتب و من يسترجي وهناك من يهدد والادلة المقامة ضدي هي اننا نعيش في سعادة وانت تعيش في شقاء (( مع اني مرتاح بس هم ملاقيف )) وطبعا بعد ثمان سنوات من هذه المحاكمة تفقد قوتك بالدفاع و تلتزم الصمت
الشاهد انه رفعة المحاكمة دون النطق بالحكم وكل راح على مشاغله وانا جلست
التقط انفاسي وانظف اذاني بعد الصجه والازعاج على راسي وجلست افكر يا ترى فعلا طاف عمري يا ترى فعلا انا عايش بتعاسة ، قد أكون شوي كبير عن السن اللي تزوجوا فيه اخواني لكن توني ما عديت المعدل الطبيعي للزواج . كما ان ظروفي وطريقة حياتي مختلفة تماما عنهم
و ما بين فكره وفكره تسمع صرخة طفل مع ضحكه تشوف لعبة مع ضربة بين الاطفال . حتى جاءت ساعة الحقيقة و نطقت امي بجملة
( شفت لو انك متزوج الحين بنت حلال كان الحين جالسه معك وشايلة عيالك بدل ما ضيعت عمرك في السوالف البطالية ولا استفد غير الهم والغم و جالس الحين تطالع عيال الناس وتتحسر )
وراحت واخذت معها كل نور كل فرحه كل راحت بال كانت في داخلي وحولي ، كانت صخرة من امي رمتها علي سببت لي ارتجاج في استقراري وهبوط في مرحي وسعادتي وشق غائر في ثقتي مما ادى الى هلوسات .
يا ترى صحيح عمري ضاع على الفاضي صحيح اني ضيعت نفسي في علاقات ما شلت فيها الا همومهم ومشاكلهم وان سعادتهم وذريتهم شالها غيري هل صحيح اني ما استفد شي واني غير سعيد . وفي وسط هذا الظلام والهم و كريات الدم البيضاء تركض داخل مخي اللي صار مثل قاعة الانعاش والافكار صوتها يعلا براسي وكريات الدم الحمراء
جالسه على جنب وتبكي وتقول أنقذوه أنقذوه
جاء عصفور امفهي وجلس ينقر بالدريشة وطار بس بصراحة حسيت كانها انعاش الكهرباء اللي يستخدمونها في المستشفى لما قلب
المريض يوقف . وجلست اقول لنفسي سلامات يالكتكوت الظاهر شرب اللبن لحس مخك تعال نمسكها وحده وحده
كم عمرك الحين في الثلاثينات طيب كم منتصف العمر اربعين يعني ما فاتك شي بس حاول تستعجل بالزواج عشان تستمتع اكثر وربك يسهلها بس انت اسعى
لو سلمنا ان ظروفك بلمح البصر تعدلت هل تضمن عمرك بكره يعني ما في شي اسمه فات وما يصير كل شي حسب ما نخطط له ونتمنى فلازم يكون عندنا استعداد لان مخططاتنا ما تنجح عشان نقدر نبدأ من جديد
انت شلت هموم غيرك صح بس يا ترى ما كنت سعيد بانك انسان مهم عندهم عشان كذا شاركوك همومهم واحزانهم ولو تفتح مخك المصدي
راح تتذكر افراحهم ومناسباتهم اللي كانوا يخلون العالم كله ويبشرونك انت عشان تكون اول واحد يفرح لهم ويفرح معاهم
كم شي وشي تعلمته عن البنات والشباب وعرفت عن نفسياتهم واطباعهم والاشياء اللي يحبونها والاشياء اللي يكرهونها وكنت من علاقه الى الثانيه تزيد خبرتك ويزيد حسن تعاملك للبنت و الشاب وبالتالي تكون العلاقه اقوى ومريحة للطرفين
بعدين تعال يا لوح عمرك خنت او خدعت او استغليت او اهنت عمدا او تجاهلت بنت او شاب في لحظة او موقف كانوا محتاجين لك فيه
انا اقولك يا المفهي ولله الحمد لا . طيب هذا ما تعتبره انجاز وتعتقد انه لما بنت تشوف هذه البلاوي اللي نسمع عنها تصير بين اهل الغزل ما راح
تقول البنت الله يذكره بالخير ويوفقه وين ما كان
وغير هذا كله انت ما تشوف انك ناجح في عملك والكل يحبك ويحترم معلوماتك وخبرتك في مجال عملك .... غيرك مسدح في الشوارع وطايح لك سب في التجار وفي الحكومه ما تدري وش يبي
الظاهر يبيهم يفتحون له مكتب سياحه وسفر على دوار الصدفه ويكتبونه باسمه
ويدفعون له راتب عشرة الاف والدوام ثلاث ساعات بس ... ياخي ماحد قالهم يتابعون هيفاء والا ستار اكاديمي وقت الاختبارات وبعدين ينجح بالدف بمعدل 60 في الميه ويقولك انا سعودي ابي راتب عشر الاف ....
ياحليلك بس
انا اقول قم هز طولك ودربي كرشك ورح توض وصل العصر والعب جيم
سوني ثم روح شف وش صار بالمنتدى وخل عنك مواضيع الحزن
حقتهم ...... اللي يقولك خلاص انا حبي مات حبيبتي خلتني طيب وش
نسويلك اذا دفنته قلنا نجي نصلي عليه و الا نربط البنت عشانك انت
وخشك ....... والا اللي تجي تقولك اصلا الشباب كلهم خاينين و يلعبون
بعواطف البنات .... محد قالك تطيحين اربعه وعشرين ساعه في الراشد
وتفرين تقل ذبانه وحازه العباة اللهم لا شماته واربع بلكونات طالعه من
خصرك....... والا هذيك الله يهديها اللي تقول الحزن واقع علينا واقع علينا
ما راح نقدر ننحاش منه جاينا جاينا راح نمووووووووت ها ها ها ها صايره
كانها حيزبونه وهي تحضر السم لسندبات ... مع ان الموضوع بسيط من
تشوف الحزن جايك بس يقرب عندك خذ خطوه يمين بسرعه .. بس
المشكله بكرشك وين تتحرك وهذا كرشك والله الحزن يجي ويربع لا
ويقولك تامر شي انا بمشي و انت توك ما تحركت يبيلنا نفكر
بالموضوع ... المهم ابتعد عن هالمواضيع كلها ورح مع شلة الضحك و
الوناسه .. عض خشم عضو .. والا علق على الحبل عضو ... والا تشمت
على عضو وهو مقطوط بالسجن ... واذا زهقت روح شف نكت
المحششين وهبال الاعضاء .
وبعد كذا شف وش تبي تفشلنا فيه وتكتب عنه انت ووجهك ... بس الله
يرحم امك لا تكتب لنا سبعين صفحه عشان تقول كيف الحال ... ترى
الجماعه للحين معطينك وجهك ويجاملون فيك لانك جديد وكتكوت (( كثر
منها كتكوت )) كتكوت غصب عنك انت ووجهك انا لو اعرف من نجحك في
مادة التعبير بخامس ابتدائي كان رحت تفاهمت معه . المهم قم الحين
وصل واضحك وانبسط لا تصير بعد شين و زعلان اللهم يا كافي .
وبعد هذا الحوار الشيق معاي لاحظت ان امي كانت واقفه قدامي
وتطالعني باستغراب وتقولي سلامات وشفيك تتبسم .. قمت وبست
راسها وقلت لها بذمتك ما ني حلو وكتكوت.... قالت الا .....قلت قولي
للمفهي هذا واشرت على صورتي في المراية