الروايه

[الدكتور]

الــــــروايـــــــة


مـــقـــــدمــــه



رجع لي مثل عادته لا شكى جور قلبه


يسالني الناس ما تفهمني والا انا ابله


ارجوك ارويني لاهل الزمان ابي طلبه


صبري نفذ والحب بيدي شنقني حبله




الفصل الاول



جالس وانا من العشق نفسي عافت


في عالم فيه اكثر ساعات عمري طافت


طلت تشوف عنواني ورحلت قلت خافت


دقايق وجتني ولا صدقت عيني ما شافت




الفصل الثاني



تكلمت تقول


جيتك لكن تعال


وسط مجهول دورني


انا الحين عندك


لكن ابيك تلقاني


حتى اسمي تعرفه عني


اشلون مدري


بس ارحل


والا اقبل وش جاك مني


يا راوي قبلت


وسويت اللي ما تسوى


حتى الغناء لها صرت اغني




الفصل الثالث


اقلبت كل موازينه حتى روايته مكسورة القاف


تقوله له انت مرهف الاحساس .. لكن جاف !!


تقول ابي اشوفك .. وهو للحين لها ما شاف


راحت اقاصي المدينه وبطلبها عن الطلعه عاف


اشلون يا بشر ما تقابله ؟ .. وتبي يجمعهم لحاف ؟




الفصل الرابع



اعذروا الراوي اذا كانت افكاره مشربكه


عقُّده ضيفه وهو اصلا حروفه معقده


هم على هم


سقى دم


عزف الم


كف لطم خده


يوم عرف ناس صورهم غير واحساسهم يشبهه





الفصل الخامس


يا ضيف كم قلت لك اسمعني و خل قلبك وخوفك


انسى الوفا ومباديء انتهت واروي جوفك


باجسام طريه
وعقول غبيه
يسحرها كذب حروفك


واذا انكشف زيفك
قل اسف بس حدتك ظروفك


هذا فعلهم فيك


ومن لا شافك شي وانا صاحبك


بطبع الوفا والتقدير لا تخليه يشوفك




الخاتمه


اذا غاب صاحبنا نادوا لشوقك لنا عللي


واذا عزف لهم وقته التفتوا وخلوه يولي


يصرخ اذا ضاقت انا لكم لكن انا من لي


ويرحل حزين .. وبطرف عينهم قالوا لا تخلي


ألعن زمان يا قلبي رزيت فيه ناس ما سوو ظلي





تعريف الراوي



عقل طار من قلب غص .. واوراقه جابته


وهمه صار قلم ابو نص لكن يقضي حاجته


كلامه يرصه رص .. ويعيد القلب ثاني غلطته


ويرجع لصق وقص .. و يحكي العقل بالفصحى روايته


يحكى أن قلب ذو مبادئ لكن الانثى كالعاده عافته


لبس ثوب الراوي فقال .. رجع لي مثل عادته